यदा सत्त्वे प्रवृद्धे तु...

गीतोपदेशः

यदा सत्त्वे प्रवृद्धे तु प्रलयं याति देहभृत् ।

तदोत्तमविदां लोकानमलान्प्रतिपद्यते ॥ १४ ॥

पदच्छेदः

यदा सत्त्वे प्रवृद्धे तु प्रलयं याति देहभृत् तदा उत्तमविदां लोकान् अमलान् प्रतिपद्यते ॥ १४ ॥

अन्वयः

सत्त्वे प्रवृद्धे तु यदा देहभृत् प्रलयं याति तदा उत्तमविदाम् अमलान् लोकान् प्रतिपद्यते ।

पदार्थः

देहभृत् = शरीरधारी

सत्त्वे = सत्त्वगुणे

प्रवृद्धे = विवृद्धे

प्रलयम् = मरणम्

याति = प्राप्नोति

उत्तमविदाम् = तत्त्वज्ञानिनाम्

अमलान् = शुद्धान्

लोकान् = प्रदेशान्

प्रतिपद्यते = अधिगच्छति ।

तात्पर्यम्

सत्त्वगुणे प्रवृद्धे म्रियमाणः पुरुषः निर्मलान् तत्त्वज्ञानिनां लोकान् प्राप्नोति ।

सम्बद्धसम्पर्कतन्तुः

• भगवद्गीता (मूलश्लिकाः)
• भगवद्गीता