सुदुर्दर्शमिदं रूपं...

श्लोकः

गीतोपदेशः

श्रीभगवानुवाच -

सुदुर्दर्शमिदं रूपं दृष्टवानसि यन्मम ।

देवा अप्यस्य रूपस्य नित्यं दर्शनकाङ्क्षिणः ॥ ५२ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य द्विपञ्चाशत्तमः(५२) श्लोकः ।

सुदुर्दर्शम् इदं रूपं दृष्टवान् असि यत् मम देवाः अपि अस्य रूपस्य नित्यं दर्शनकाङ्क्षिणः ॥ ५२ ॥

सुदुर्दर्शं यत् इदं मम रूपं दृष्टवान् असि अस्य रूपस्य देवाः अपि नित्यं दर्शनकाङ्क्षिणः ।

सुदुर्दर्शम् = दुरवलोकम्

मम यत् इदम् = मे यत् एतत्

रूपम् = स्वरूपम्

दृष्टवान् असि = अवलोकितवान् असि

अस्य = एतस्य

रूपस्य = आकारस्य

देवाः अपि = सुराः अपि

नित्यम् = सततम्

दर्शनकाङ्क्षिणः = ईक्षणासक्ताः ।

मम यद् रूपम् अधुना त्वं दृष्टवान् अस्ति एतत् अतीव दुरवलोकम् । मदीयम् एतत् रूपं द्र्ष्टुं देवाः अपि सर्वदा आकाङ्क्षिणः भवन्ति ।