पत्रं पुष्पं फलं तोयं...

श्लोकः सम्पादयतु

गीतोपदेशः

पत्रं पुष्पं फलं तोयं यो मे भक्त्या प्रयच्छति ।

तदहं भक्त्युपहृतमश्नामि प्रयतात्मनः ॥ २६ ॥

अयं भगवद्गीतायाः नवमोध्यायस्य राजविद्याराजगुह्ययोगस्य षड्विंशतितमः(२६) श्लोकः ।

पत्रं पुष्पं फलं तोयं यः मे भक्त्या प्रयच्छति तत् अहं भक्ति उपहृतम् अश्नामि प्रयतात्मनः ॥ २६ ॥

यः पत्रं पुष्पं फलं तोयं मे भक्त्या प्रयच्छति प्रयतात्मनः भक्त्युपहृतं तत् अहम् अश्नामि ।

यः = यः मानवः

पत्रम् = पर्णम्

पुष्पम् = कुसुमम्

फलम् = फलम्

तोयम् = उदकम्

मे = मह्यम्

भक्त्या = प्रीत्या

प्रयच्छति = ददाति

प्रयतात्मनः = निगृहीतमनस्कस्य

भक्त्युपहृतम् = भक्त्या समर्पितम्

तत् = तद्वस्तु

अहम् अश्नामि = अहं परिगृह्णामि ।

यस्तु मनः निगृह्य पत्रं पुष्पं फलं तोयं च भक्त्या प्रयच्छति भक्त्या प्रदत्तं तत्सर्वम् अहम् अवश्यं परिगृह्णामि ।