सत्त्वं रजस्तम इति...

गीतोपदेशः

सत्त्वं रजस्तम इति गुणाः प्रकृतिसम्भवाः ।

निबध्नन्ति महाबाहो देहे देहिनमव्ययम् ॥ ५ ॥

पदच्छेदः

सत्त्वं रजः तम इति गुणाः प्रकृतिसम्भवाः निबध्नन्ति महाबाहो देहे देहिनम् अव्ययम् ॥ ५ ॥

अन्वयः

महाबाहो ! सत्त्वं रजः तमः इति प्रकृतिसम्भवाः गुणाः । देहे अव्ययं देहिनं निबध्नन्ति ।

पदार्थः

प्रकृतिसम्भवाः = मायास्वरूपभूताः अपि जन्याः इव स्थिताः

अव्ययम् = अक्षयम्

देहिनम् = आत्मानम्

निबध्नन्ति = बध्नन्ति ।

तात्पर्यम्

अर्जुन ! सत्त्वं रजः तमः इति प्रकृतेः स्वरूपभूताः गुणाः । ते च प्रकृतितः जाताः इव भासमानाः शरीरे आत्मानं बध्नन्ति ।

सम्बद्धसम्पर्कतन्तुः

• भगवद्गीता (मूलश्लिकाः)
• भगवद्गीता