"अग्निः" इत्यस्य संस्करणे भेदः

{{हिन्दूधर्मः}}

'''अग्निः''' पञ्चभूतेषु अन्यतमः तथा तेजसः अभिमानिदैवतम् । अयं भगवतः मुखात् समुत्पन्नः । '''दक्षप्रजापतेः''' आत्मजा '''स्वाहा''' अग्निदेवस्य पत्नी । '''इक्ष्वाकु'''वंशसमुद्भूतस्य '''दुर्योधन'''स्यात्मजा '''सुदर्शना''' अस्य अपरा पत्नी । अर्जुनस्याश्रये खाण्डववनं दग्धवान् । तदवसरे अग्निः अर्जुनाय '''कपिध्वजोपेतं''' '''रथं''','''गाण्डीवधनुः''','''अक्षयतूणीर'''ञ्च प्रायच्छत् । अग्निना एव '''श्रीकृष्णाय''' चक्रायुधं प्रदत्तम् । अयं '''भृगु'''मुनेः शापकारणेन सर्वभक्षकोऽभवत् । '''इन्द्राय''' यदा ब्रह्मवधदोषः सम्प्राप्तः तदा दोषस्य चतुर्षु अंशेषु एकः अंशः अग्निना स्वीकृतः । रामायणे,'''सीतायाः''' पातिव्रत्यम् अग्निना लोकमुखायोपदर्शितम् । '''अनलः''' इति तस्यापरं नाम ।| '''नास्ति अलं पूर्तिः अस्य भुञ्जानस्य''' इति कारणेन '''अनलः''' इत्युच्यते ।

==अग्नेः स्वरूपम्==

हिन्दूपरम्परायां रक्तवर्णयुक्तस्य,मुखद्वयोपेतस्य,कृष्णनेत्राभ्यां युक्तस्य,पादत्रयोपेतस्य,सप्तभुजयुक्तस्य च अग्नेः रूपं चित्रितम् । अस्य शरीरे च प्रखराः सप्त जिह्वाः ज्वलन्ति । अतः अस्य '''सप्तजिह्वा''' इति अपरं नाम ।

 

[[वर्गः:हिन्दुदेवताः|अग्निः]]

[[वर्गः:बाह्यानुबन्धः योजनीयः]]

[[वर्गः:विषयः वर्धनीयः]]