विषुवपर्व
केरलराज्यस्य कृषिपर्व भवति विषु। मलयालमासस्य मेड (मेष) मासस्य प्रथमे दिनाङ्के आचर्यते। दिनेऽस्मिन् वैशिष्ट्येन अग्रिमवर्षस्य ज्योतिषफलानि अपि चर्च्यन्ते। तत् 'विषुफलम्' इत्यभिधीयते। न केवलं केरलेषु अपि तु केरलपाश्ववर्तीनाम् अन्यराज्यानां सीमाप्रदेशेष्वि पर्व इदम् आचर्यते। भारतस्य सर्वेषु राज्येषु समानपर्वाणि आचर्यन्ते। सर्वत्रापि भारतकालगणनासम्प्रदायस्यैव परिगणनं भवति।
पोलिक पोलिक दैवमे तन् नेल् पोलिक इत्यादीनि पुल्लुवगीतानि च पर्वणस्यास्य कषिणा सह विद्यमानं सम्बन्धं द्योतयति। विषुदिने कृतानां कर्मणां प्रभावः एकवर्षं यावत् अनुवर्ततेति विश्वासः वर्तते। पर्वणस्यास्य सम्बन्धः भगवता श्रीकृष्णेन सह कल्पितः अस्ति केरलेषु। गुरुवायूर् इत्यादिषु श्रीकृष्णमन्दिरेषु पर्वणस्यास्य आचरणं प्रसिद्धमस्ति।