अनन्यचेताः सततं...
श्लोकः
सम्पादयतु
- अनन्यचेताः सततं यो मां स्मरति नित्यशः ।
- तस्याहं सुलभः पार्थ नित्ययुक्तस्य योगिनः ॥ १४ ॥
पदच्छेदः
सम्पादयतुअनन्यचेताः सततं यः मां स्मरति नित्यशः तस्य अहं सुलभः पार्थ नित्ययुक्तस्य योगिनः ॥ १४ ॥
अन्वयः
सम्पादयतुपार्थ ! यः अनन्यचेताः नित्यशः सततं मां स्मरति तस्य नित्ययुक्तस्य योगिनः अहं सुलभः ।
शब्दार्थः
सम्पादयतु- पार्थ = अर्जुन !
- यः = यः मानवः
- अनन्यचेताः = अनन्यमनस्कः
- सततम् = सर्वदा
- नित्यशः = प्रतिदिनम्
- मां स्मरति = मां ध्यायति
- नित्ययुक्तस्य = सततं युक्तस्य
- योगिनः = योगवतः
- तस्य= मानवस्य
- अहं सुलभः = अहं सुखेन लभ्यः ।
अर्थः
सम्पादयतुपार्थ ! यः मानवः अनन्यमनस्कः प्रतिदिनं सर्वदा मां ध्यायति तस्य सततयुक्तस्य योगवतः अहं सुखेन लभ्यः भवामि ।