अपि चेत्सुदुराचारो...

श्लोकः

गीतोपदेशः

अपि चेत्सुदुराचारो भजते मामनन्यभाक् ।

साधुरेव स मन्तव्यः सम्यग्व्यवसितो हि सः ॥ ३० ॥

अयं भगवद्गीतायाः नवमोध्यायस्य राजविद्याराजगुह्ययोगस्य त्रिंशत्तमः(३०) श्लोकः ।

अपि चेत् सुदुराचारः भजते माम् अनन्यभाक् साधुः एव स मन्तव्यः सम्यक् अव्यवसितः हि सः ॥ ३० ॥

अपि चेत् सुदुराचारः अनन्यभाक् मां भजते सः साधुः एव मन्तव्यः । सः हि सम्यक् व्यवसितः ।

अपि चेत् सुदुराचारः = दुराचारोऽपि स्यात् तथापि

यः अनन्यभाक् = यः अनन्यभक्तिः

मां भजते = मां सेवते

सः = सः मानवः

साधुः एव = सद्वृत्तः एव

मन्तव्यः = ज्ञातव्यः

हि = यतः

सः = सः मानवः

सम्यक् = यथावत्

व्यवसितः = निश्चितवान् ।

यदि कश्चित् दुराचारोऽपि एकाग्रचित्तः मां भजति तर्हि सः साधुरित्येव मे मतिः यतः स सम्यगेव निश्चयं कृतवान् ।