अभ्यासेऽप्यसमर्थोऽसि...

श्लोकः

गीतोपदेशः

अभ्यासेऽप्यसमर्थोऽसि मत्कर्मपरमो भव ।

मदर्थमपि कर्माणि कुर्वन्सिद्धिमवाप्स्यसि ॥ १० ॥

अयं भगवद्गीतायाः द्वादशोऽध्यायस्य भक्तियोगस्य दशमः(१०) श्लोकः ।

अभ्यासे अपि असमर्थः असि मत्कर्मपरमः भव मदर्थम् अपि कर्माणि कुर्वन् सिद्धिम् अवाप्स्यसि ॥ १० ॥

अभ्यासे अपि असमर्थः असि मत्कर्मपरमः भव । मदर्थं कर्माणि कुर्वन् अपि सिद्धिम् अवाप्स्यसि ।

अभ्यासे अपि = अभ्यासयोगे अपि

असमर्थः असि = अशक्तः भवसि

मत्कर्मपरमः = मदर्थकर्माचरणप्रधानः

भव = भवतु

मदर्थम् = मामुद्दिश्य

कर्माणि = क्रियाः

कुर्वन् अपि = आचरन् अपि

सिद्धिम् अवाप्स्यसि = सिद्धिं प्राप्नोषि ।

अभ्यासयोगे अपि अशक्तः भवसि चेत् सर्वदा मामुद्दिश्य कर्माणि आचर । मदर्थं कर्माणि आचरन् अपि चित्तशुद्धिं लप्स्यसे ।