इदं ज्ञानमुपाश्रित्य...

श्लोकः

गीतोपदेशः

इदं ज्ञानमुपाश्रित्य मम साधर्म्यमागताः ।

सर्गेऽपि नोपजायन्ते प्रलये न व्यथन्ति च ॥ २ ॥

अयं भगवद्गीतायाः चतुर्दशोऽध्यायस्य गुणत्रयविभागयोगस्य द्वितीय:(२) श्लोकः ।

इदं ज्ञानम् उपाश्रित्य मम साधर्म्यम् आगताः सर्गे अपि न उपजायन्ते प्रलये न व्यथन्ति च ॥ २ ॥

इदं ज्ञानम् उपाश्रित्य मम साधर्म्यम् आगताः सर्गे अपि न उपजायन्ते प्रलये च न व्यथन्ति ।

ज्ञानम् = ब्रह्मज्ञानम्

उपाश्रित्य = अवलम्ब्य

साधर्म्यम् = स्वरूपम्

आगताः = प्राप्ताः

सर्गे = सृष्टिकाले

उपजायन्ते = उत्पद्यन्ते

प्रलये = सर्गप्रलये

व्यथन्ति = बाधां प्राप्नुवन्ति ।

एतत् ब्रह्मज्ञानम् अवलम्ब्य मम स्वरूपं प्राप्ताः सृष्टिकाले अपि न उत्पद्यन्ते प्रलयकाले अपि बाधां न प्राप्नुवन्ति ।