एतद्योनीनि भूतानि...
भगवद्गीतायाः श्लोकः ७.६
श्लोकः सम्पादयतु
- एतद्योनीनि भूतानि सर्वाणीत्युपधारय ।
- अहं कृत्स्नस्य जगतः प्रभवः प्रलयस्तथा ॥ ६ ॥
अयं भगवद्गीतायाः सप्तमोध्यायस्य ज्ञानविज्ञानयोगस्य षष्ठः(६) श्लोकः ।
पदच्छेदः सम्पादयतु
एतत् योनीनि भूतानि सर्वाणि इति उपधारय अहं कृत्स्नस्य जगतः प्रभवः प्रलयः तथा ॥ ६ ॥
अन्वयः सम्पादयतु
सर्वाणि भूतानि एतद्योनीनि इति उपधारय । अहं कृत्स्नस्य जगतः प्रभवः तथा प्रलयः ।
शब्दार्थः सम्पादयतु
- सर्वाणि = सकलानि
- भूतानि = भूतजातानि
- एतद्योनीनि इति = एतत्प्रकृतिद्वयसम्भवानि इति
- उपधारय = जानीहि
- अहम् = अहम्
- कृत्स्नस्य = समग्रस्य
- जगतः = लोकस्य
- प्रभवः = उत्पत्तिकारणम्
- तथा = तथा
- प्रलयः = विनाशकारणम् ।
अर्थः सम्पादयतु
सर्वाणि भूतानि प्रकृतिसम्भवानि इति जानीहि । इदं समग्रं जगत् मत्त एव निर्गच्छति, मय्येव च लीनं भवति ।