चतुर्विधा भजन्ते मां...
भगवद्गीतायाः श्लोकः ७.१६
श्लोकः
सम्पादयतु
- चतुर्विधा भजन्ते मां जनाः सुकृतिनोऽर्जुन ।
- आर्तो जिज्ञासुरर्थार्थी ज्ञानी च भरतर्षभ ॥ १६ ॥
अयं भगवद्गीतायाः सप्तमोध्यायस्य ज्ञानविज्ञानयोगस्य षोडशः(१६) श्लोकः ।
पदच्छेदः
सम्पादयतुचतुर्विधाः भजन्ते मां जनाः सुकृतिनः अर्जुन आर्तः जिज्ञासुः अर्थार्थी ज्ञानी च भरतर्षभ ॥ १६ ॥
अन्वयः
सम्पादयतुभरतर्षभ अर्जुन ! आर्तः जिज्ञासुः अर्थार्थी ज्ञानी च (इति) चतुर्विधाः सुकृतिनः जनाः मां भजन्ते ।
शब्दार्थः
सम्पादयतु- भरतर्षभ = भरतोत्तम !
- आर्तः = रोगादिपीडितः
- जिज्ञासुः = ज्ञातुमिच्छुः
- अर्थार्थी = धनाभिलाषी
- ज्ञानी च = आत्मज्ञानवान्
- (इति) चतुर्विधाः = इति चतुष्प्रकाराः
- सुकृतिनः = पुण्यवन्तः
- जनाः = मानवाः
- माम् = माम्
- भजन्ते = सेवन्ते ।
अर्थः
सम्पादयतुहे भरतोत्तम अर्जुन ! रोगादिग्रस्तः, भगवत्तत्त्वं ज्ञातुम् इच्छुः, धनाभिलाषी, आत्मज्ञानवान् च इत्येते चतुर्विधाः पुण्यकर्माणः जनाः मां भजन्ते ।