तेषां सततयुक्तानां...

श्लोकः

गीतोपदेशः

तेषां सततयुक्तानां भजतां प्रीतिपूर्वकम् ।

ददामि बुद्धियोगं तं येन मामुपयान्ति ते ॥ १० ॥

अयं भगवद्गीतायाः दशमोऽध्यायस्य विभूतियोगस्य दशमः(१०) श्लोकः ।

तेषां सततयुक्तानां भजतां प्रीतिपूर्वकम् ददामि बुद्धियोगं तं येन माम उपयान्ति ते ॥ १० ॥

सततयुक्तानां प्रीतिपूर्वकं भजतां तेषां तं बुद्धियोगं ददामि येन ते माम् उपयान्ति ।

सततयुक्तानाम् = नित्ययुक्तानाम्

प्रीतिपूर्वकम् = स्नेहपूर्वकम्

भजताम् = सेवमानानाम्

तेषाम् = तेषां बुधानाम्

बुद्धियोगम् = मद्विषयकं योगम्

ददामि = प्रयच्छामि

येन = येन योगेन

ते = बुधाः

माम् उपयान्ति = मां प्राप्नुवन्ति ।

नित्ययुक्तानां स्नेहपूर्वकं सेवमानानां तेषां बुधानां तं मद्विषयकं योगं प्रयच्छामि येन योगेन ते बुधाः मां प्राप्नुवन्ति ।

तेषां सततयुक्तानां मयि सततयोगमाशंसमानानां मां भजमानानामहं तमेव बुद्धियोगं विपाकदशापन्नं प्रीतिपूर्वकं ददामि येन ते मामुपयान्ति ॥१०.१०॥