तेषामेवानुकम्पार्थम्...

श्लोकः

गीतोपदेशः

तेषामेवानुकम्पार्थमहमज्ञानजं तमः ।

नाशयाम्यात्मभावस्थो ज्ञानदीपेन भास्वता ॥ ११ ॥

अयं भगवद्गीतायाः दशमोऽध्यायस्य विभूतियोगस्य एकादशः(११) श्लोकः ।

तेषाम् एव अनुकम्पार्थम् अहम् अज्ञानजं तमः नाशयामि आत्मभावस्थः ज्ञानदीपेन भास्वता ॥ ११ ॥

आत्मभावस्थः अहं तेषाम् एव अनुकम्पार्थं भास्वता ज्ञानदीपेन अज्ञानजं तमः नाशयामि ।

आत्मभावस्थः = बुद्धौ वर्तमानः

अहम् = परमात्मा

तेषाम् एव = तादृशबुधानाम् एव

अनुकम्पार्थम् = दयाहेतोः

भास्वता = प्रकाशमानेन

ज्ञानदीपेन = विवेकदीपेन

अज्ञानजम् = मिथ्याज्ञानोत्पन्नम्

तमः = अन्धकारम्

नाशयामि = विध्वंसयामि ।

तादृशानां बुधानाम् अनुग्रहार्थम् अहं तेषाम् अन्तःकरणे तिन् तेषु अज्ञानेन जन्यं तमः प्रकाशमानेन ज्ञानरूपेण दीपेन नाशयामि ।