त्रिविधं नरकस्येदं...
श्लोकः सम्पादयतु
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- त्रिविधं नरकस्येदं द्वारं नाशनमात्मनः।
- कामः क्रोधस्तथा लोभस्तस्मादेतत्त्रयं त्यजेत् ॥ २१ ॥
अयं भगवद्गीतायाः षोडशोध्यायस्य दैवासुरसम्पद्विभागयोगस्य एकविंशतितमः(२१) श्लोकः ।
पदच्छेदः सम्पादयतु
त्रिविधं नरकस्य इदं द्वारं नाशनम् आत्मनःकामः क्रोधः तथा लोभः तस्मात् एतत् त्रयं त्यजेत् ॥
अन्वयः सम्पादयतु
कामः क्रोधः तथा लोभः इदम् आत्मनः नाशनं नरकस्य त्रिविधं द्वारम् । तस्मात् एतत् त्रयं त्यजेत् ।
शब्दार्थः सम्पादयतु
- कामः = वाञ्छा
- क्रोधः = कोपः
- लोभः = तृष्णा
- नाशनम् = विनाशकरम्
- नरकस्य = नरकलोकस्य
- द्वारम् = प्रतिहारः ।
अर्थः सम्पादयतु
वाञ्छा, कोपः तथा तृष्णा एतत् आत्मविनाशकरं त्रिप्रकारं नरकलोकस्य प्रतिहारः । तस्मात् इदं त्रितयं वर्जयेत् ।