दंष्ट्राकरालानि च ते...

श्लोकः

गीतोपदेशः

दंष्ट्राकरालानि च ते मुखानि दृष्ट्वैव कालानलसन्निभानि ।

दिशो न जाने न लभे च शर्म प्रसीद देवेश जगन्निवास ॥ २५ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य पञ्चविंशतितमः(२५) श्लोकः ।

दंष्ट्राकरालानि च ते मुखानि दृष्ट्वा एव कालानलसन्निभानि दिशो न जाने न लभे च शर्म प्रसीद देवेश जगन्निवास ॥ २५ ॥

जगन्निवास, देवेश ! दंष्ट्राकरालानि कालानलसन्निभानि च ते मुखानि दृष्ट्वा एव दिशः न जाने । शर्म च न लभे । प्रसीद ।

जगन्निवास = विश्वनिकेतन !

देवेश = सुराधिप

दंष्ट्राकरालानि = दन्तभयानकानि

कालानल - सन्निभानि च = प्रलयाग्निसदृशानि च

ते मुखानि = वदनानि

दृष्ट्वा एव = ईक्षित्वा एव

दिशः = आशाः

न जाने = न वेद्मि

शर्म च = सुखमपि

न लभे = न प्राप्नोमि

प्रसीद = प्रसन्नो भव ।

विश्वनिकेतन, सुराधिप ! दन्तभयानकानि प्रलयाग्निसदृशानि च तव वदनानि दृष्ट्वा एव दिशः न जानामि । धैर्यं शान्तिं च कथमपि न प्राप्नोमि । प्रसन्नो भव ।