नष्टो मोहः स्मृतिर्लब्धा...

श्लोकः

गीतोपदेशः

अर्जुन उवाच -

नष्टो मोहः स्मृतिर्लब्धा त्वत्प्रसादात्मयाच्युत ।

स्थितोऽस्मि गतसन्देहः करिष्ये वचनं तव ॥ ७३ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य त्रिषष्टितमः(७३) श्लोकः ।

नष्टः मोहः स्मृतिः लब्धा त्वत्प्रसादात् मया अच्युत स्थितः अस्मि गतसन्देहः करिष्ये वचनं तव ॥

अच्युत ! तव प्रसादात् मोहः नष्टः । स्मृतिः मया लब्धा । गतसन्देहः स्थितः अस्मि । तव वचनं करिष्ये ।

अच्युत = श्रीकृष्ण !

त्वत्प्रसादात् = भवदनुग्रहात्

मोहः = अविवेकः

स्मृतिः = स्मरणम्

लब्धा = प्राप्तम्

गतसन्देहः = विगतसंशयः

स्थितः = भूतः

वचनम् = वाक्यम्

करिष्ये = आचरिष्यामि ।

श्रीकृष्ण ! भवदनुग्रहात् अविवेकः अपगतः । कर्तव्यस्मरणं मम जातम् । विगतसन्देहः स्थितः अस्मि । तव वचनम् आचरयिष्यामि ।