नाहं वेदैर्न तपसा...

श्लोकः

गीतोपदेशः

नाहं वेदैर्न तपसा न दानेन न चेज्यया ।

शक्य एवंविधो द्रष्टुं दृष्टवानसि मां यथा ॥ ५३ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य त्रिपञ्चाशत्तमः(५३) श्लोकः ।

न अहं वेदैः न तपसा न दानेन न च इज्यया शक्य: एवंविधः द्रष्टुं दृष्टवान् असि मां यथा ॥ ५३ ॥

अहम् एवंविधः वेदैः न, तपसा न, दानेन न, इज्यया च न द्रष्टुं शक्यः यथा मां दृष्टवान् असि ।

वेदैः = निगमैः

एवंविधः = एवंप्रकारः अहम्

द्रष्टुम् = विलोकितुम्

न शक्यः = न अर्हः

तपसा न = तपश्चर्यया न शक्यः

दानेन = वितरणेन न

इज्यया च = यज्ञेन अपि न

यथा = येन प्रकारेण

माम् = माम्

दृष्टवान् असि = विलोकितवान् असि ।

अहम् एवंप्रकारः निगमैः तपसा वितरणेन यज्ञेन च द्रष्टुं न शक्यः येन प्रकारेण मां दृष्टवान् असि ।