ब्राह्मणक्षत्रियविशां...

श्लोकः

गीतोपदेशः

ब्राह्मणक्षत्रियविशां शूद्राणां च परन्तप ।

कर्माणि प्रविभक्तानि स्वभावप्रभवैर्गुणैः ॥ ४१ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य एकचत्वारिंशत्तमः(४१) श्लोकः ।

ब्राह्मणक्षत्रियविशां शूद्राणां च परन्तप कर्माणि प्रविभक्तानि स्वभावप्रभवैः गुणैः ॥

परन्तप ! ब्राह्मणक्षत्रियविशां शूद्राणां च स्वभावप्रभवैः गुणैः कर्माणि प्रविभक्तानि ।

परन्तप ! = शत्रुतापन !

ब्राह्मणक्षत्रियविशाम् = ब्राह्मणराजन्यवैश्यानाम्

स्वभावप्रभवैः =प्रकृत्या जातैः

गुणैः = सत्त्वरजस्तमोभिः

कर्माणि = शमादीनि कर्माणि

प्रविभक्तानि = विभक्तानि ।

अर्जुन ! ये ब्राह्मणाः क्षत्रियाः वैश्याः शूद्राश्च सन्ति तेषां तत्तद्गुणवशात् कर्माणि विभक्तानि सन्ति ।