मयाध्यक्षेण प्रकृतिः...

श्लोकः

गीतोपदेशः

मयाध्यक्षेण प्रकृतिः सूयते सचराचरम् ।

हेतुनानेन कौन्तेय जगद्विपरिवर्तते ॥ १० ॥

अयं भगवद्गीतायाः नवमोध्यायस्य राजविद्याराजगुह्ययोगस्य दशमः(१०) श्लोकः ।

मया अध्यक्षेण प्रकृतिः सूयते सचराचरम् हेतुना अनेन कौन्तेय जगत् विपरिवर्तते ॥ १० ॥

कौन्तेय ! अध्यक्षेण मया प्रकृतिः सचराचरं सूयते । अनेन हेतुना जगत् विपरिवर्तते ।

कौन्तेय = अर्जुन !

मया अध्यक्षेण = साक्षिभूतस्य मम सन्निधिमात्रेण

प्रकृतिः = माया

सचराचरम् = सजमस्थावरं जगत्

सूयते = उत्पादयति

अनेन = एतेन

हेतुना = कारणेन

जगत् = प्रपञ्चः

विपरिवर्तते = विपरिणमते ।

साक्षिभूतस्य मम सन्निधिमात्रेण प्रकृतिरियं स्थावरजमात्मकम् इमं प्रपञ्चम् उत्पादयति । उत्पन्नश्च सः मत्सन्निधिवशादेव नानाकारः प्रतिभासते ।