मया ततमिदं सर्वं...

श्लोकः

गीतोपदेशः

मया ततमिदं सर्वं जगदव्यक्तमूर्तिना ।

मत्स्थानि सर्वभूतानि न चाहं तेष्ववस्थितः ॥ ४ ॥

अयं भगवद्गीतायाः नवमोध्यायस्य राजविद्याराजगुह्ययोगस्य चतुर्थः(४) श्लोकः ।

पदच्छेदः

मया ततम् इदं सर्वं जगदव्यक्तमूर्तिना मत्स्थानि सर्वभूतानि न च अहं तेषु अवस्थितः ॥ ४ ॥

अन्वयः

अव्यक्तमूर्तिना च मया इदं सर्वं जगत् ततम् । सर्वभूतानि मत्स्थानि । अहं तेषु न अवस्थितः ।

शब्दार्थः

अव्यक्तमूर्तिना च मया = अतीन्द्रियेण च मया

इदम् = एतत्

सर्वम् = निखिलम्

जगत् = भुवनम्

ततम् = व्याप्तम्

सर्वभूतानि = स्थावराणि जमानि च भूतानि

मत्स्थानि = मयि वर्तमानानि

अहं तेषु = अहं तेषु भूतेषु

न अवस्थितः = न स्थितः अस्मि ।

अर्थः

मम स्वरूपं कस्यापि इन्द्रियाणां गोचरः न भवति । तादृशः अहं सृष्ट्वा समग्रं जगदिदं व्याप्तवान् अस्मि । तस्मात् सर्वाण्यपि स्थावरजमानि भूतानि मयि अधीनानि सन्ति । अहं न तेषु अधीनोऽस्मि ।

सम्बद्धसम्प्र्कतन्तुः

भगवद्गीता (मूलश्लोकाः)
भगवद्गीता