मृत्युः सर्वहरश्चाहम्...

श्लोकः

गीतोपदेशः

मृत्युः सर्वहरश्चाहमुद्भवश्च भविष्यताम् ।

कीर्तिः श्रीर्वाक्च नारीणां स्मृतिर्मेधा धृतिः क्षमा ॥ ३४ ॥

अयं भगवद्गीतायाः दशमोऽध्यायस्य विभूतियोगस्य चतुर्स्त्रिंशत्तमः(३४) श्लोकः ।

मृत्युः सर्वहरः च अहम् उद्भवः च भविष्यताम् कीर्तिः श्रीः वाक् च नारीणां स्मृतिः मेधा धृतिः क्षमा ॥ ३४ ॥

अहं सर्वहरः मृत्युः च । भविष्यताम् उद्भवः च । नारीणां कीर्तिः श्रीः वाक् स्मृतिः मेधा धृतिः क्षमा च ।

सर्वहरः = संहारकारिणां मध्ये

अहं मृत्युः च = अहं मृत्युदेवता च

भविष्यताम् = उत्पत्स्यमानानां शुभानाम्

उद्भवः च = प्रकर्षः च

नारीणाम् = स्त्रीणाम्

कीर्तिः = यशः

श्रीः = शोभा

वाक् = वाणी

स्मृतिः = स्मरणम्

मेधा = उत्तमा बुद्धिः

धृतिः = धैर्यम्

क्षमा च = सहनं च ।

अहं प्राणहरः मृत्युः । अहम् उत्पत्स्यमानानां पदार्थानाम् अभ्युदयः । नारीणां यशः शोभा वाणी स्मृतिः मेधा धृतिः क्षमा इत्येते सद्गुणाः अहम् अस्मि ।