यद्यद्विभूतिमत्सत्त्वं...
श्लोकः सम्पादयतु
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- यद्यद्विभूतिमत्सत्त्वं श्रीमदूर्जितमेव वा ।
- तत्तदेवावगच्छ त्वं मम तेजोंऽशसम्भवम् ॥ ४१ ॥
अयं भगवद्गीतायाः दशमोऽध्यायस्य विभूतियोगस्य एकचत्वारिंशत्तमः(४१) श्लोकः ।
पदच्छेदः सम्पादयतु
यत् यत् विभूतिमत् सत्त्वं श्रीमदूर्जितम् एव वा तत् तत् एव अवगच्छ त्वं मम तेजोंऽशसम्भवम् ॥ ४१ ॥
अन्वयः सम्पादयतु
यद्यत् विभूतिमत् श्रीमत् ऊर्जितम् एव वा सत्त्वं तत्तत् एव मम तेजोंऽशसम्भवं त्वम् अवगच्छ ।
शब्दार्थः सम्पादयतु
- यद्यत् सत्त्वम् = यद्यत् वस्तु
- विभूतिमत् = प्रभावयुक्तम्
- श्रीमत् = शोभावहम्
- ऊर्जितम् एव वा = उत्साहसहितं वा
- तत्तत् एव = तत् सकलं वस्तु
- मम तेजोंऽशसम्भवम् = मम ऐश्वर्यात् उत्पन्नम्
- अवगच्छ = विजानीहि ।
अर्थः सम्पादयतु
प्रभावयुक्तं शोभावहं बलसहितं वा यद्यत् वस्तु तत् सकलं मम ऐश्वर्यात् उत्पन्नम् इति त्वं जानीहि ।