येषां त्वन्तगतं पापं...
भगवद्गीतायाः श्लोकः ७.२८
श्लोकः सम्पादयतु
- येषां त्वन्तगतं पापं जनानां पुण्यकर्मणाम् ।
- ते द्वन्द्वमोहनिर्मुक्ता भजन्ते मां दृढव्रताः ॥ २८ ॥
अयं भगवद्गीतायाः सप्तमोध्यायस्य ज्ञानविज्ञानयोगस्य अष्टाविंशतितमः(२८) श्लोकः ।
पदच्छेदः सम्पादयतु
येषां तु अन्तगतं पापं जनानां पुण्यकर्मणाम् ते द्वन्द्वमोहनिर्मुक्ताः भजन्ते मां दृढव्रताः ॥ २८ ॥
अन्वयः सम्पादयतु
येषां तु पुण्यकर्मणां जनानां पापम् अन्तगतं ते द्वन्द्वमोहनिर्मुक्ताः दृढव्रताः मां भजन्ते ।
शब्दार्थः सम्पादयतु
- येषां तु = येषां तु
- पुण्यकर्मणाम् = पुण्याचारशीलानाम्
- जनानाम् = मानवानाम्
- पापम् = कल्मषम्
- अन्तगतम् = नष्टप्रायम्
- ते = मानवाः
- द्वन्द्वमोहनिर्मुक्ताः = शीतोष्णादिजन्येन मोहेन रहिताः
- दृढव्रताः = गाढसल्पाः
- मां भजन्ते = मां सेवन्ते ।
अर्थः सम्पादयतु
पुण्यं कर्म समाचरतां पापं यदा समाप्तप्रायं भवति तदा ते दृढसल्पाः शीतोष्णसुखदुःखादिद्वन्द्वजन्येन मोहेन मुच्यमानाः मां प्राप्नुवन्ति ।