वृष्णीनां वासुदेवोऽस्मि...

श्लोकः

गीतोपदेशः

वृष्णीनां वासुदेवोऽस्मि पाण्डवानां धनञ्जयः ।

मुनीनामप्यहं व्यासः कवीनामुशना कविः ॥ ३७ ॥

अयं भगवद्गीतायाः दशमोऽध्यायस्य विभूतियोगस्य सप्तत्रिंशत्तमः(३७) श्लोकः ।

वृष्णीनां वासुदेवः अस्मि पाण्डवानां धनञ्जयः मुनीनाम् अपि अहं व्यासः कवीनाम् उशना कविः ॥ ३७ ॥

वृष्णीनां वासुदेवः अस्मि । पाण्डवानां धनञ्जयः । मुनीनाम् अपि अहं व्यासः । कवीनाम् उशना कविः ।

वृष्णीनाम् = यादवानाम्

वासुदेवः अस्मि = कृष्णः अस्मि

पाण्डवानाम् = पाण्डुपुत्राणाम्

धनञ्जयः = अर्जुनः

मुनीनाम् अपि = ऋषिषु अपि

व्यासः = बादरायणः

कवीनाम् = क्रान्तदर्शिनाम्

उशना कविः = शुक्राचार्यः

यादवानां कृष्णः अस्मि । पाण्डवानां धनञ्जयः अहमेव अस्मि । मुनीनाम् अपि अहं व्यासः । क्रान्तदर्शिनां शुक्राचार्यः ।