सर्वभूतेषु येनैकं...

श्लोकः

गीतोपदेशः

सर्वभूतेषु येनैकं भावमव्ययमीक्षते ।

अविभक्तं विभक्तेषु तज्ज्ञानं विद्धि सात्त्विकम् ॥ २० ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य विंशतितमः(२०) श्लोकः ।

सर्वभूतेषु येन एकं भावम् अव्ययम् ईक्षते अविभक्तं विभक्तेषु तत् ज्ञानं विद्धि सात्त्विकम् ॥

विभक्तेषु सर्वभूतेषु अव्ययम् एकं भावं येन ईक्षते तत् ज्ञानं सात्त्विकं विद्धि ।

सर्वभूतेषु = सकलभूतेषु

अव्ययम् = अक्षरम्

भावम् = परमात्मतत्त्वम्

विभक्तेषु = पृथक् स्थितेषु

अविभक्तम् = विभागरहितम्

एकम् = अद्वितीयम्

ईक्षते = पश्यति

ज्ञानम् = सम्यक् ज्ञानम् ।

अत्र यावन्ति भूतानि सन्ति तानि परस्परं विभिन्नानि । तेषु सर्वत्र स्थितं समानं परमात्मतत्त्वं येन पश्यति तत् ज्ञानं सात्त्विकं जानीहि ।