वक्तुमर्हस्यशेषेण...

श्लोकः

गीतोपदेशः

वक्तुमर्हस्यशेषेण दिव्या ह्यात्मविभूतयः ।

याभिर्विभूतिभिर्लोकानिमांस्त्वं व्याप्य तिष्ठसि ॥ १६ ॥

अयं भगवद्गीतायाः दशमोऽध्यायस्य विभूतियोगस्य षोडशः(१६) श्लोकः ।

वक्तुम् अर्हसि अशेषेण दिव्याः हि आत्मविभूतयः याभिः विभूतिभिः लोकान् इमान् त्वं व्याप्य तिष्ठसि ॥ भगवद्गीता १०।१६ ॥

याभिः विभूतिभिः त्वम् इमान् लोकान् व्याप्य तिष्ठसि, (या:) आत्मविभूतयः दिव्याः, ता: अशेषेण वक्तुम् अर्हसि ।

याभिः विभूतिभिः = यैः माहात्म्यविस्तरैः

इमान् लोकान् = एतान् लोकान्

व्याप्य = आक्रम्य

तिष्ठसि = वर्तसे

दिव्याः हि = लोकोत्तोरान्

आत्मविभूतयः = माहात्म्यविस्तरान्

अशेषेण = साकल्येन

वक्तुम् अर्हसि = कथयितुम् अर्हसि ।

भवान् स्वीयैः ऐश्वर्यैः एतान् लोकान् अभिव्याप्य तिष्ठति । तानि सर्वाणि अपि ऐश्वर्याणि साकल्येन कथयितुम् अर्हति ।