कथं विद्यामहं योगिन्...

श्लोकः

गीतोपदेशः

कथं विद्यामहं योगिंस्त्वां सदा परिचिन्तयन् ।

केषु केषु च भावेषु चिन्त्योऽसि भगवन्मया ॥ १७ ॥

अयं भगवद्गीतायाः दशमोऽध्यायस्य विभूतियोगस्य सप्तदशः(१७) श्लोकः ।

कथं विद्याम् अहं योगिन् त्वां सदा परिचिन्तयन् केषु केषु च भावेषु चिन्त्यः असि भगवन् मया ॥ १७ ॥

योगिन् ! अहं सदा त्वां परिचिन्तयन् कथं विद्याम् ? भगवन् ! मया केषु केषु च भावेषु चिन्त्यः असि।

योगिन् = योगिवर !

अहं सदा = अहं सततम्

त्वां परिचिन्तयन् = त्वां ध्यायन्

कथम् = केन प्रकारेण

विद्याम् = विजानीयाम्

भगवन् = पूजार्ह !

मया केषु केषु च = मया केषु केषु च

भावेषु = वस्तुषु

चिन्त्यः असि = ध्यातव्यः असि ।

योगिवर ! अहं सततं त्वां ध्यायन् केन प्रकारेण विज्ञातुं शक्नुयाम् ? हे पूजार्ह ! मया केषु केषु पदार्थेषु त्वं ध्यातव्यः भवसि ?