विस्तरेणात्मनो योगं...

श्लोकः

गीतोपदेशः

विस्तरेणात्मनो योगं विभूतिं च जनार्दन ।

भूयः कथय तृप्तिर्हि शृण्वतो नास्ति मेऽमृतम् ॥ १८ ॥

अयं भगवद्गीतायाः दशमोऽध्यायस्य विभूतियोगस्य अष्टादशः(१८) श्लोकः ।

विस्तरेण आत्मनः योगं विभूतिं च जनार्दन भूयः कथय तृप्तिः हि शृण्वतः नास्ति मे अमृतम् ॥ १८ ॥

जनार्दन ! आत्मनः योगं विभूतिं च विस्तरेण भूयः कथय । अमृतं शृण्वतः मे तृप्तिः नास्ति ।

जानार्दन = कृष्ण !

आत्मनः = स्वस्य

योगम् = स्वरूपम्

विभूतिं च = ऐश्वर्यं च

विस्तरेण = विपुलं यथा तथा

भूयः = पुनः

कथय = वद

हि = यस्मात्

अमृतम् = अमृततुल्यम्

शृण्वतः मे = आकर्णयतः मम

तृप्तिः = तुष्टिः

नास्ति = न विद्यते ।

कृष्ण ! स्वस्य स्वरूपं माहात्म्यविस्तरं च विस्तरेण पुनः वद । अमृततुल्यं तत् आकर्णयतः मम तृप्तिः एव न भवति ।