वेदानां सामवेदोऽस्मि...

श्लोकः

गीतोपदेशः

वेदानां सामवेदोऽस्मि देवानामस्मि वासवः ।

इन्द्रियाणां मनश्चास्मि भूतानामस्मि चेतना ॥ २२ ॥

अयं भगवद्गीतायाः दशमोऽध्यायस्य विभूतियोगस्य द्वाविंशतितमः(२२) श्लोकः ।

वेदानां सामवेदः अस्मि देवानाम् अस्मि वासवः इन्द्रियाणां मनः च अस्मि भूतानाम् अस्मि चेतना ॥ २२ ॥

वेदानां सामवेदः अस्मि । देवानां वासवः अस्मि । इन्द्रियाणां मनः च अस्मि । भूतानां चेतना अस्मि ।

वेदानाम् = चतुर्णां वेदानाम्

सामवेदः अस्मि = सामवेदः अस्मि

देवानाम् = सुराणाम्

वासवः अस्मि = इन्द्रः अस्मि

इन्द्रियाणाम् = इन्द्रियाणाम्

मनः च = चित्तम्

भूतानाम् = प्राणिनाम्

चेतना अस्मि = चैतन्यम् अस्मि ।

चतुर्षु वेदेषु अहं सामवेदः अस्मि । सुरेषु इन्द्रः अस्मि । इन्द्रियेषु मनः अस्मि । प्राणिषु चैतन्यम् अस्मि ।