महर्षीणां भृगुरहं...

श्लोकः सम्पादयतु

गीतोपदेशः

महर्षीणां भृगुरहं गिरामस्म्येकमक्षरम् ।

यज्ञानां जपयज्ञोऽस्मि स्थावराणां हिमालयः ॥ २५ ॥

अयं भगवद्गीतायाः दशमोऽध्यायस्य विभूतियोगस्य पञ्चविंशतितमः(२५) श्लोकः ।

महर्षीणां भृगुः अहं गिराम् अस्मि एकम् अक्षरम् यज्ञानां जपयज्ञः अस्मि स्थावराणां हिमालयः ॥ २५ ॥

महर्षीणाम् अहं भृगुः । गिराम् एकम् अक्षरम् अस्मि । यज्ञानां जपयज्ञः अस्मि । स्थावराणां हिमालयः अस्मि ।

महर्षीणाम् = महामुनीनाम्

अहं भृगुः = अहं भृगुमहर्षिः

गिराम् = वाचाम्

एकम् अक्षरमस्मि = ओङ्कारः अस्मि

यज्ञानाम् = यागेषु

जपयज्ञः अस्मि = जपयागः अस्मि

स्थावराणाम् = स्थितिमताम्

हिमालयः = हिमवान् ।

महर्षिषु अहं भृगुमहर्षिः । शब्दरूपासु गीर्षु ओारः अस्मि । यज्ञेषु जपयज्ञः अस्मि । स्थितियुक्तेषु अहं हिमालयपर्वतः अस्मि ।