अनन्तश्चास्मि नागानां...

श्लोकः

गीतोपदेशः

अनन्तश्चास्मि नागानां वरुणो यादसामहम् ।

पितॄणामर्यमा चास्मि यमः संयमतामहम् ॥ २९ ॥

अयं भगवद्गीतायाः दशमोऽध्यायस्य विभूतियोगस्य नवविंशतितमः(२९) श्लोकः ।

अनन्तः च अस्मि नागानां वरुणः यादसाम् अहम् पितॄणाम् अर्यमा च अस्मि यमः संयमताम् अहम् ॥ २९ ॥

नागानां च अनन्तः अस्मि । यादसाम् अहं वरुणः । पितॄणां च अर्यसा अस्मि । संयमतां यमः अहम् ।

नागानां च = विषरहितानाम् उरगाणाम्

अनन्तः अस्मि = अनन्तः अस्मि

यादसाम् = जलचराणाम्

अहं वरुणः = अहं वरुणदेवः

पितॄणां च = पितृदेवतानाम्

अर्यमा = अर्यमा नाम पितृराजः

संयमताम् = संयमवताम्

यमः = अन्तकः ।

सर्पविशेषेषु नागराजः अनन्तः अहम् अस्मि । जलचरेषु अहं तदधिपतिः वरुणः अस्मि । पितृदैवतेषु अर्यमा अस्मि । संयमनं कुर्वत्सु अन्तकः अस्मि ।