अक्षराणामकारोऽस्मि...
(१०.३३ अक्षराणामकारों.... इत्यस्मात् पुनर्निर्दिष्टम्)
[[Category:]]
श्लोकः
सम्पादयतुअयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- अक्षराणामकारोऽस्मि द्वन्द्वः सामासिकस्य च ।
- अहमेवाक्षयः कालो धाताहं विश्वतोमुखः ॥ ३३ ॥
अयं भगवद्गीतायाः दशमोऽध्यायस्य विभूतियोगस्य त्रियस्त्रिंशत्तमः(३३) श्लोकः ।
पदच्छेदः
सम्पादयतुअक्षराणाम् अकारः अस्मि द्वन्द्वः सामासिकस्य च अहम् एव अक्षयः कालः धाता अहं विश्वतोमुखः ॥ ३३ ॥
अन्वयः
सम्पादयतुअक्षराणाम् अकारः अस्मि । सामासिकस्य द्वन्द्वः च । अहम् एव अक्षयः कालः । विश्वतोमुखः धाता अहम् ।
शब्दार्थः
सम्पादयतु- अक्षराणाम् = वर्णानाम्
- अकारः अस्मि = अकारः अस्मि
- सामासिकस्य = समाससमूहस्य
- द्वन्द्वः च = द्वन्द्वसमासः च
- अक्षयः = अक्षीणः
- कालः = समयः
- विश्वतोमुखः = सर्वतोमुखः
- धाता अहम् = कर्मफलदाता अहम् ।
अर्थः
सम्पादयतुवर्णेषु अकारः अस्मि । समाससमुदाये द्वन्द्वसमासः अस्मि । अहम् एव अक्षीणः कालः । सर्वजगतः सर्वतोमुखः कर्मफलदाता च अहम् अस्मि ।