यो मामजमनादिं च...

श्लोकः

गीतोपदेशः

यो मामजमनादिं च वेत्ति लोकमहेश्वरम् ।

असम्मूढः स मर्त्येषु सर्वपापैः प्रमुच्यते ॥ ३ ॥

अयं भगवद्गीतायाः दशमोऽध्यायस्य विभूतियोगस्य तृतीयः(३) श्लोकः ।

यः माम् अजम् अनादिं च वेत्ति लोकमहेश्वरम् असम्मूढः सः मर्त्येषु सर्वपापैः प्रमुच्यते ॥ ३ ॥

यः असम्मूढः माम् अजम् अनादिं लोकमहेश्वरं च वेत्ति सः मर्त्येषु सर्वपापैः प्रमुच्यते ।

यः = यः मानवः

असम्मूढः = मोहरहितः

माम् = माम्

अजम् = जन्मरहितम्

अनादिम् = आदिरहितम्

लोकमहेश्वरं च = लोकाधिपतिं च

वेत्ति = वेद

सः मर्त्येषु = सः मानवेषु

सर्वपापैः = सकलपापैः

प्रमुच्यते = विमुक्तो भवति ।

यः मोहरहितः माम् अजम् आदिरहितं लोकाधिपतिम् अपि जानाति मानवेषु सः सकलपापैः विमुक्तः भवति ।