मन्यसे यदि तच्छक्यं...

श्लोकः

गीतोपदेशः

मन्यसे यदि तच्छक्यं मया द्रष्टुमिति प्रभो ।

योगेश्वर ततो मे त्वं दर्शयात्मानमव्ययम् ॥ ४ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य चतुर्थः(४) श्लोकः ।

मन्यसे यदि तत् शक्यं मया द्रष्टुम् इति प्रभो योगेश्वर ततः मे त्वं दर्शय आत्मानम् अव्ययम् ॥ ४ ॥

प्रभो ! तत् मया द्रष्टुं शक्यम् इति यदि मन्यसे ततः हे योगेश्वर ! त्वम् अव्ययम् आत्मानं मे दर्शय ।

प्रभो = ईश्वर !

तत् = तत् रूपम्

द्रष्टुम् = अवलोकितुम्

मया शक्यम् इति = मया शक्यम् इति

यदि मन्यसे = चिन्तयसि चेत्

ततः = तर्हि

योगेश्वर = योगेश्वर !

अव्ययम् = अनश्वरम्

आत्मानम् = स्वम्

मे दर्शय = मां प्रदर्शय ।

श्रीकृष्ण ! तत् रूपं मया अवलोकितुं शक्यम् इति यदि चिन्तयसि तर्हि त्वं तत् अनश्वरं रूपं मां दर्शय ।