पश्य मे पार्थ रूपाणि...

श्लोकः

गीतोपदेशः

श्रीभगवानुवाच -

पश्य मे पार्थ रूपाणि शतशोऽथ सहस्रशः ।

नानाविधानि दिव्यानि नानावर्णाकृतीनि च ॥ ५ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य पञ्चमः(५) श्लोकः ।

पश्य मे पार्थ रूपाणि शतशः अथ सहस्रशः नानाविधानि दिव्यानि नानावर्णाकृतीनि च ॥ ५ ॥

पार्थ ! शतशः अथ सहस्रशः नानाविधानि दिव्यानि नानावर्णाकृतीनि च मे रूपाणि पश्य ।

पार्थ = अर्जुन !

शतशः अथ सहस्रशः = अपरिमितानि

नानाविधानि = बहुप्रकाराणि

दिव्यानि = लोकोत्तराणि

नानावर्णाकृतीनि च = नानावर्णाकाराणि

मे = मम

रूपाणि = स्वरूपाणि

पश्य = वीक्षस्व ।

अर्जुन ! बहुप्रकाराणि दिव्यानि नानावर्णाकाराणि च मम स्वरूपाणि च पश्य ।