पश्यादित्यान्वसून् रुद्रान्...

श्लोकः

गीतोपदेशः

पश्यादित्यान्वसून् रुद्रानश्विनौ मरुतस्तथा ।

बहून्यदृष्टपूर्वाणि पश्याश्चर्याणि भारत ॥ ६ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य षष्ठः(६) श्लोकः ।

पश्य आदित्यान् वसून् रुद्रान् अश्विनौ मरुतः तथा बहूनि अदृष्टपूर्वाणि पश्य आश्चर्याणि भारत ॥ ६ ॥

भारत ! आदित्यान् वसून् रुद्रान् अश्विनौ तथा मरुतः पश्य, अदृष्टपूर्वाणि बहूनि आश्चर्याणि पश्य ।

भारत = अर्जुन !

आदित्यान् = द्वादशादित्यान्

वसून् = अष्टवसून्

रुद्रान् = एकादशरुद्रान्

अश्विनौ = देववैद्यौ

तथा = तथा

मरुतः = सप्तमरुतः

पश्य = अवलोकय

अदृष्टपूर्वाणि = पूर्वम् अनवलोकितानि

बहूनि = नानासङ्ख्यानि

आश्चर्याणि = उतानि

पश्य = अवलोकय ।

अर्जुन ! द्वादशादित्यान् अष्टवसून् एकादशरुद्रान् देववैद्यौ तथा सप्तमरुतः पश्य । पूर्वम् अनवलोकितानि नानासङ्ख्याकानि उतानि अत्र पश्य ।