तत्रैकस्थं जगत्कृत्स्नं...

श्लोकः

गीतोपदेशः

तत्रैकस्थं जगत्कृत्स्नं प्रविभक्तमनेकधा ।

अपश्यद्देवदेवस्य शरीरे पाण्डवस्तदा ॥ १३ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य त्रयोदशः(१३) श्लोकः ।

तत्र एकस्थं जगत् कृत्स्नं प्रविभक्तम् अनेकधा अपश्यत् देवदेवस्य शरीरे पाण्डवः तदा ॥ १३ ॥

तदा पाण्डवः देवदेवस्य तत्र शरीरे अनेकधा प्रविभक्तं कृत्स्नं जगत् एकस्थम् अपश्यत् ।

तदा = तदानीम्

पाण्डवः = अर्जुनः

देवदेवस्य = हरेः

तत्र = तस्मिन्

शरीरे = देहे

अनेकधा= बहुधा

प्रविभक्तम् = पृथक्भूतम्

कृत्स्नम् = सकलम्

जगत् = भुवनम्

एकस्थम् = एकस्मिन् स्थितम्

अपश्यत् = दृष्टवान् ।

तदा अर्जुनः हरेः तस्मिन् शरीरे बहुधा विभक्तं सकलमपि जगत् एकत्रैव वर्तमानम् अपश्यत् ।