पितासि लोकस्य...

श्लोकः

गीतोपदेशः

पितासि लोकस्य चराचरस्य त्वमस्य पूज्यश्च गुरुर्गरीयान् ।

न त्वत्समोऽस्त्यभ्यधिकः कुतोऽन्यो लोकत्रयेऽप्यप्रतिमप्रभाव ॥ ४३ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य त्रिचत्वारिंशत्तमह्ः (४३) श्लोकः ।

पिता असि लोकस्य चराचरस्य त्वम् अस्य पूज्यः च गुरुः गरीयान् न त्वत्समः अस्ति अभ्यधिकः कुतः अन्यः लोकत्रये अपि अप्रतिमप्रभाव ॥ ४३ ॥

त्वं चराचरस्य अस्य लोकस्य पिता असि पूज्यः गुरुः गरीयान् च । अप्रतिमप्रभाव ! लोकत्रये अपि त्वत्समः न अस्ति अभ्यधिकः अन्यः कुतः ।

त्वम् = भवान्

चराचरस्य = स्थावरजमस्य

अस्य = एतस्य जगतः

पिता असि= जनकः असि

पूज्यः = अर्च्यः

गुरुः च = गुरुः शास्त्रोपदेष्टा

गरीयान् = गुरुतरः

अप्रतिमप्रभाव = अप्रमेयमहिमन् !

लोकत्रये अपि = भुवनत्रये अपि

त्वत्समः = भवत्सदृशः

न अस्ति = न विद्यते

अभ्यधिकः = अतिशयानस्तु

अन्यः = परः

कुतः = कथम् ?

भवान् स्थावरजमस्य एतस्य लोकस्य जनकः असि । अर्च्यः आचार्यः गुरुतरः च असि । अप्रमेयमहिमन् ! भुवनत्रये अपि भवत्सदृशः न विद्यते । कथं पुनः भवतोऽत्यधिकः ?