भक्त्या त्वनन्यया शक्य...

श्लोकः

गीतोपदेशः

भक्त्या त्वनन्यया शक्य अहमेवंविधोऽर्जुन ।

ज्ञातुं द्रष्टुं च तत्त्वेन प्रवेष्टुं च परन्तप ॥ ५४ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य चतुःपञ्चाशत्तमः(५४) श्लोकः ।

भक्त्या तु अनन्यया शक्यः अहम् एवंविधः अर्जुन ज्ञातुं द्रष्टुं च तत्त्वेन प्रवेष्टुं च परन्तप ॥ ५४ ॥

परन्तप ! अर्जुन ! अहम् अनन्यया भक्त्या तु एवंविधः तत्त्वेन ज्ञातुं द्रष्टुं च प्रवेष्टुं च शक्यः ।

परन्तप = शत्रुतापन !

अनन्यया = अनितरया

भक्त्या तु = प्रेम्णा तु

एवंविधः अहम् = एवंप्रकारः अहम्

तत्त्वेन = परमार्थतः

ज्ञातुम् = वेदितुम्

द्रष्टुं च = अवलोकितुं च

प्रवेष्टुं च = प्राप्तुं च

शक्यः = अर्हः ।

शत्रुतापन ! अर्जुन ! अहम् अनिरतेण प्रेम्णा तु एवंप्रकारः तत्त्वतः वेदितुं द्रष्टुं च प्राप्तुं च शक्यः नान्येन उपायेन ।