गामाविश्य च भूतानि...
भगवद्गीतायाः श्लोकः १५.१३
(१५.१३ गामाविश्य च …. इत्यस्मात् पुनर्निर्दिष्टम्)
श्लोकः सम्पादयतु
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- गामाविश्य च भूतानि धारयाम्यहमोजसा ।
- पुष्णामि चौषधीः सर्वाः सोमो भूत्वा रसात्मकः ॥ १३ ॥
अयं भगवद्गीतायाः पञ्चदशोऽध्यायस्य पुरुषोत्तमयोगस्य त्रयोदशः(१३) श्लोकः ।
पदच्छेदः सम्पादयतु
गाम् आविश्य च भूतानि धारयामि अहम् ओजसा पुष्णामि च औषधीः सर्वाः सोमः भूत्वा रसात्मकः ॥ १३ ॥
अन्वयः सम्पादयतु
अहं गाम् आविश्य च ओजसा भूतानि धारयामि, रसात्मकः सोमः भूत्वा सर्वाः औषधीः च पुष्णामि।
शब्दार्थः सम्पादयतु
- गाम् = भूमिम्
- आविश्य = प्रविश्य
- ओजसा = बलेन
- भूतानि = चराचराणि
- धारयामि =वहामि
- रसात्मकः = रसस्वभावः
- सोमः = चन्द्रः
- औषधीः = फलपाकान्तानि सस्यानि
- पुष्णामि = पोषयामि ।
अर्थः सम्पादयतु
अहं धूलिराशितुल्याम् इमां पृथिवीं सर्वदा दृढीकुर्वन् स्वबलेन भूतानि धारयामि । अन्यथा सिकताराशिवत् इयं पृथिवी विच्छिद्येत । एवम् अहमेव रसरूपः चन्द्रः सन् पृथिव्याम् अस्यां जायमानानि सर्वाण्यपि व्रीहिमाषमुद्गादीनि संवर्धयामि ।