मनःप्रसादः सौम्यत्वं...

श्लोकः

गीतोपदेशः

मनःप्रसादः सौम्यत्वं मौनमात्मविनिग्रहः ।

भावसंशुद्धिरित्येतत्तपो मानसमुच्यते ॥ १६ ॥

अयं भगवद्गीतायाः सप्तदशोध्यायस्य श्रद्धात्रयविभागयोगस्य षोडशः(१६) श्लोकः ।

मनःप्रसादः सौम्यत्वं मौनम् आत्मविनिग्रहः भावसंशुद्धिः इत्येतत् तपः मानसम् उच्यते ॥

मनःप्रसादः सौम्यत्वं मौनम् आत्मविनिग्रहः भावसंशुद्धिः इति एतत् मानसं तपः उच्यते ।

मनःप्रसादः = चित्तशान्तिः

सौम्यत्वम् = सौमनस्यम्

मौनम् = वाक्संयमः

आत्मविनिग्रहः = मनोनिरोधः

भावसंशुद्धिः = वञ्चनाराहित्यम्

मानसम् = अन्तःकरणसम्बन्धि ।

चित्तशान्तिः सौमनस्यं वाक्संयमः मनोनिरोधः भावसंशुद्धिः च इति इदम् अन्तःकरणसम्बन्धि तपः कथ्यते ।