मनःप्रसादः सौम्यत्वं...
(१७.१६ मानः प्रसादास्सौम्यत्वम् इत्यस्मात् पुनर्निर्दिष्टम्)
श्लोकः सम्पादयतु
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- मनःप्रसादः सौम्यत्वं मौनमात्मविनिग्रहः ।
- भावसंशुद्धिरित्येतत्तपो मानसमुच्यते ॥ १६ ॥
अयं भगवद्गीतायाः सप्तदशोध्यायस्य श्रद्धात्रयविभागयोगस्य षोडशः(१६) श्लोकः ।
पदच्छेदः सम्पादयतु
मनःप्रसादः सौम्यत्वं मौनम् आत्मविनिग्रहः भावसंशुद्धिः इत्येतत् तपः मानसम् उच्यते ॥
अन्वयः सम्पादयतु
मनःप्रसादः सौम्यत्वं मौनम् आत्मविनिग्रहः भावसंशुद्धिः इति एतत् मानसं तपः उच्यते ।
शब्दार्थः सम्पादयतु
- मनःप्रसादः = चित्तशान्तिः
- सौम्यत्वम् = सौमनस्यम्
- मौनम् = वाक्संयमः
- आत्मविनिग्रहः = मनोनिरोधः
- भावसंशुद्धिः = वञ्चनाराहित्यम्
- मानसम् = अन्तःकरणसम्बन्धि ।
अर्थः सम्पादयतु
चित्तशान्तिः सौमनस्यं वाक्संयमः मनोनिरोधः भावसंशुद्धिः च इति इदम् अन्तःकरणसम्बन्धि तपः कथ्यते ।