संन्यासस्य महाबाहो...
(१८.०१ संन्यासस्य महाबाहो इत्यस्मात् पुनर्निर्दिष्टम्)
श्लोकः सम्पादयतु
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
अर्जुन उवाच -
- सन्न्यासस्य महाबाहो तत्त्वमिच्छामि वेदितुम् ।
- त्यागस्य च हृषीकेश पृथक्केशिनिषूदन ॥ १ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य प्रथमः(१) श्लोकः ।
पदच्छेदः सम्पादयतु
सन्न्यासस्य महाबाहो तत्त्वम् इच्छामि वेदितुम् त्यागस्य च हृषीकेश पृथक् केशिनिषूदन ॥
अन्वयः सम्पादयतु
महाबाहो हृषीकेश केशिनिषूदन ! सन्न्यासस्य त्यागस्य च तत्त्वं पृथक् वेदितुम् इच्छामि ।
शब्दार्थः सम्पादयतु
- तत्त्वम् = याथात्म्यम्
- केशिनिषूदन = केशिसंहारक !
- वेदितुम् = ज्ञातुम् ।
अर्थः सम्पादयतु
श्रीकृष्ण ! सन्न्यासस्य याथात्म्यं त्यागस्य च याथात्म्यं पृथक् पृथक् ज्ञातुम् अभिलषामि ।