ज्ञानं ज्ञेयं परिज्ञाता...

श्लोकः

गीतोपदेशः

ज्ञानं ज्ञेयं परिज्ञाता त्रिविधा कर्मचोदना ।

करणं कर्म कर्तेति त्रिविधः कर्मसङ्ग्रहः ॥ १८ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य अष्टादशः(१८) श्लोकः ।

ज्ञानं ज्ञेयं परिज्ञाता त्रिविधा कर्मचोदना करणं कर्म कर्ता इति त्रिविधः कर्मसङ्ग्रहः ॥

ज्ञानं ज्ञेयं परिज्ञाता इति कर्मचोदना त्रिविधा । करणं कर्म कर्ता इति कर्मसङ्ग्रहः त्रिविधः ।

ज्ञानम् = सर्वविषयज्ञानम्

ज्ञेयम् = ज्ञातव्यम्

परिज्ञाता = वेदिता

कर्मचोदना = कर्मप्रवर्तना

करणम् = साधनम्

कर्म = ईप्सिततमम्

कर्ता = आचरिता

कर्मसङ्ग्रहः = कर्मप्रकारः ।

ज्ञानं ज्ञेयं ज्ञाता चेति कर्मप्रवर्तकं त्रिविधम् । तत्र करणं स्रुगादि । कर्म ज्योतिोमादि । कर्ता च तन्निर्वर्तकः पुरुषः इति विवेकः ।