यया तु धर्मकामार्थान्...

श्लोकः

गीतोपदेशः

यया तु धर्मकामार्थान्धृत्या धारयतेऽर्जुन ।

प्रसङ्गेन फलाकाङ्क्षी धृतिः सा पार्थ राजसी ॥ ३४ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य चतुस्त्रिंशत्त्मः(३४) श्लोकः ।

यया तु धर्मकामार्थान् धृत्या धारयते अर्जुन प्रसङ्गेन फलाकाङ्क्षी धृतिः सा पार्थ राजसी ॥

अर्जुन ! प्रसङ्गेन फलाकाङ्क्षी यया धृत्या धर्मकामार्थान् धारयते सा धृतिः राजसी ।

धृत्या = प्रयत्नेन

धर्मकामार्थान् = पुरुषार्थान्

प्रसङ्गेन = कर्तृत्वाभिमानेन

फलाकाङ्क्षी = फलाभिलाषी ।

धारयते = अवधारयते

धृति: = उद्यम:

पार्थ = हे पार्थ !

राजसी = राजसी

अर्जुन ! कर्तृत्वाभिमानेन फलापेक्षः सन् यया धृत्या धर्मार्थकामान् पुरुषार्थान् धारयति सा धृतिः राजसी इत्युच्यते ।