स्वे स्वे कर्मण्यभिरतः...

श्लोकः

गीतोपदेशः

स्वे स्वे कर्मण्यभिरतः संसिद्धिं लभते नरः ।

स्वकर्मनिरतः सिद्धिं यथा विन्दति तच्छृणु ॥ ४५ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य पञ्चचत्वारिंशत्तमः(४५) श्लोकः ।

स्वे स्वे कर्मणि अभिरतः संसिद्धिं लभते नरः स्वकर्मनिरतः सिद्धिं यथा विन्दति तत् शृणु ॥

नरः स्वे स्वे कर्मणि अभिरतः संसिद्धिं लभते । स्वकर्मनिरतः सिद्धिं यथा विन्दति तत् शृणु ।

स्वे स्वे = स्वस्मिन् स्वस्मिन्

कर्मणि = कर्तव्ये

अभिरतः = आसक्तः

संसिद्धिम् = अभ्युदयम्

लभते = प्राप्नोति

स्वकर्मनिरतः = स्वकर्मानुष्ठाता

विन्दति = लभते ।

मानवः स्वस्मिन् स्वस्मिन् कर्तव्ये आसक्तः अभ्युदयं प्राप्नोति । स्वकर्म आचरन् फलं यथा लभते तं प्रकारं शृणु ।