श्रेयान्स्वधर्मो विगुणः...

श्लोकः

गीतोपदेशः

श्रेयान्स्वधर्मो विगुणः परधर्मात्स्वनुष्ठितात् ।

स्वभावनियतं कर्म कुर्वन्नाप्नोति किल्बिषम् ॥ ४७ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य सप्तचत्वारिंशत्तमः(४७) श्लोकः ।

श्रेयान् स्वधर्मः विगुणः परधर्मात् स्वनुष्ठितात् स्वभावनियतं कर्म कुर्वन् न आप्नोति किल्बिषम् ॥

विगुणः स्वधर्मः स्वनुष्ठितात् परधर्मात् श्रेयान् । स्वभावनियतं कर्म कुर्वन् किल्बिषं न आप्नोति ।

विगुणः = विकृतः

स्वधर्मः = आत्मधर्मः

स्वनुष्ठितात् = सुकृतात्

परधर्मात् = इतरधर्मात्

श्रेयान् = श्रेयोदायकः

स्वभावनियतम् = स्वभावलब्धम्

कर्म = कर्तव्यम्

कुर्वन् = आचरन्

किल्बिषम् = पापम्

न आप्नोति = न अधिगच्छति ।

साधु आचरितात् परधर्मादपि किञ्चिदेन विकलः स्वधर्मः एव श्रेयस्करः । प्रकृतिवशात् यत् कर्म निर्णीतं तत् कर्म कुर्वन् पुरुषः पापं न प्राप्नोति ।