इत्यहं वासुदेवस्य...

श्लोकः

गीतोपदेशः

सञ्जय उवाच -

इत्यहं वासुदेवस्य पार्थस्य च महात्मनः ।

संवादमिमश्रौषमद्भुतं रोमहर्षणम् ॥ ७४ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य चतु्ःसप्ततितमः(७४) श्लोकः ।

इति अहं वासुदेवस्य पार्थस्य च महात्मनः संवादमिमम् अश्रौषम् अद्भुतं रोमहर्षणम् ॥

महात्मनः वासुदेवस्य पार्थस्य च रोमहर्षणम् अद्भुतम् इमं संवादम् इति अहम् अश्रौषम् ।

महात्मनः = महानुभावस्य

वासुदेवस्य = नारायणस्य

पार्थस्य = अर्जुनस्य

रोमहर्षणम् = रोमाञ्चकरम्

संवादम् = सम्भाषणम्

अश्रौषम् = अशृणवम् ।

महानुभावस्य नारायणस्य अर्जुनस्य च रोमाञ्चकरम् आश्चर्यम् एनं संवादम् अहम् अशृणवम् ।