बीजं मां सर्वभूतानां...

श्लोकः

गीतोपदेशः

बीजं मां सर्वभूतानां विद्धि पार्थ सनातनम् ।

बुद्धिर्बुद्धिमतामस्मि तेजस्तेजस्विनामहम् ॥ १० ॥

अयं भगवद्गीतायाः सप्तमोध्यायस्य ज्ञानविज्ञानयोगस्य दशमः(१०) श्लोकः ।

बीजं मां सर्वभूतानां विद्धि पार्थ सनातनम् बुद्धिः बुद्धिमताम् अस्मि तेजः तेजस्विनाम् अहम् ॥ १० ॥

पार्थ ! सर्वभूतानां सनातनं बीजं मां विद्धि । बुद्धिमतां बुद्धिः तेजस्विनां तेजः अहम् अस्मि ।

पार्थ = अर्जुन !

सर्वभूतानाम् = सकलप्राणिनाम्

सनातनम् = चिरन्तनम्

बीजम् = प्ररोहकारणम्

मां विद्धि = मां जानीहि

बुद्धिमताम् = धीमताम्

बुद्धिः = धीः

तेजस्विनाम् = प्रगल्भानाम्

तेजः = प्रागल्भ्यम्

अहम् अस्मि = अहं भवामि ।

पार्थ ! सकलभूतानां चिरन्तनं बीजं मां जानीहि । अहं धीमतां धीः अस्मि तेजस्विनां तेजः च ।