चतुर्विधा भजन्ते मां...

श्लोकः

गीतोपदेशः

चतुर्विधा भजन्ते मां जनाः सुकृतिनोऽर्जुन ।

आर्तो जिज्ञासुरर्थार्थी ज्ञानी च भरतर्षभ ॥ १६ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य षोडशः(१६) श्लोकः ।

चतुर्विधाः भजन्ते मां जनाः सुकृतिनः अर्जुन आर्तः जिज्ञासुः अर्थार्थी ज्ञानी च भरतर्षभ ॥ १६ ॥

भरतर्षभ अर्जुन ! आर्तः जिज्ञासुः अर्थार्थी ज्ञानी च (इति) चतुर्विधाः सुकृतिनः जनाः मां भजन्ते ।

भरतर्षभ = भरतोत्तम !

आर्तः = रोगादिपीडितः

जिज्ञासुः = ज्ञातुमिच्छुः

अर्थार्थी = धनाभिलाषी

ज्ञानी च = आत्मज्ञानवान्

(इति) चतुर्विधाः = इति चतुष्प्रकाराः

सुकृतिनः = पुण्यवन्तः

जनाः = मानवाः

माम् = माम्

भजन्ते = सेवन्ते ।

हे भरतोत्तम अर्जुन ! रोगादिग्रस्तः, भगवत्तत्त्वं ज्ञातुम् इच्छुः, धनाभिलाषी, आत्मज्ञानवान् च इत्येते चतुर्विधाः पुण्यकर्माणः जनाः मां भजन्ते ।